Großvota – STS
Bei jedm Wickl mit da Mutter, woa mei erster Weg, von daham zu dir
Und du host gsogt si is allan, des muaßt verstehn, olls vergeht kumm drink a Bier
Dann host du gmant, des ganze Lebm, besteht aus nehman, und vü mehr gebm
Worauf i aus dein Kostn in da Nocht, dei poor tausend Schülling gfladert hob
Zum verputzn in da Diskothek, a poor Tog drauf, host mi danoch gfrogt
I hobs bestrittn, histerisch plerrt, dei Blick wor traurig, dann hob i great
Du host nur gsogt, kumm loß ma´s bleibm, Göld kann gor nie so wichtig sein
Wenn du von Kriag erzöhlt host wie du an Russn, Aug in Aug gegenüber gstand bist
Ihr hobts eich gegenseitig an Tschick anbotn, die Hand am Obzug, hot zittert vor lauter Schiss
Oder dei Frau, dei den ganzn Tog, dir die Uhrn vullgsungan hot
Du host nur gsogt, i hob sie gern, i muaß net ollas wos sie sogt imma hearn
Großvota, kannst du net obakumman auf an schnölln Kaffee
Großvota, i mecht da sovül sogn wos i erst jetzt versteh
Großvota, du worst mei erster Freind und des vergiß i nie, Großvota
Du worst ka Übermensch, host nie so taun, grod deswegn wor do irgendwie a Kroft
Und durch die Art wia du dei Lebm glebt host, hob i a Ahnung kriagt, wia ma´s vielleicht schoft
Dei Grundsotz wor, zérst überlegn, a Meinung hobm dahinter stehn
Zw.) Niemols Gewolt, olles beredn, oba a ka Angst vor irgendwem
Großvota, kannst du net obakumman auf an schnölln Kaffee
Großvota, i mecht da sovül sogn wos i erst jetzt versteh
Großvota, du worst mei erster Freind und des vergiß i nie, Großvota